Lison 7

Deus ta danu bom fermentas, i fika na no luta pa vivi parel. Sin noka usa es, no na fracasa.

Bida i complicadu, Kristondadi ika um fé kubu ta sucundi pa ka bu feridu. Ao invés di kila, Deus pui no korson na luz i falanu pa mostra ki luz na sukuru ku no padidu nel. Ita falanu pano vivi no bida de bardadi de manera diferenti ku mundu ta pera di nos.

Ora ku bu padidu di nobu, no misti alimentason siguido pa restu di no bida. No ta kumi tchiu bias pa dia. No ta durmi txiu ora pa dia. No bibi txiu iagu pa dia. Ikivalenti spiritual di kumida, iagu i sonu i leitura di Biblia, orason, i adoral ku utrus.

Mundu susu. No tem ku sta limpu. Enkuantu no sta bibu, tudu dia nota tené susudadi na no korson. Ku no udju, nota odja kusa mau. Ku no oredja, nota obi maldison.Ku no mon, no ta sinti dur di spinhu ku suku di amigus. Ku no lingua, nota proba benenu malgus. Ku no naris, no ta xinti txeru di mortu.

Ki fermenttas ki Deus ta danu pa laba susudadi, dixa skuridon pa tras, i muda mundu ki esta ao volta di nos.

Primeru, suma ku no papia, i mostra si planu pa no bida na Biblia. Ora ku no ta lei testu de Biblia i guarda promesas de Deus pa dentu, no tem no menti linpu i no korson fortalesidu.

Sugundu, i pui Spiritu Santu dentru di nos, pa no pudi ora pa Deus i sinti kuma i na rispundinu. Kila ta firma no konvikson i ta da nu puder pa vivi diferenti i djuda muda mundu.

Terseru, i kumpunu pa adora. Ora ku no adoral, ita satisfasi no desedjus, ita kumsa kura feridas ki es mundu danu.

Kuartu, i kumpunu pa no gosta i ama pekaduris, limarias, i mundu ki dadu dentru di alguns limitis. No dibidi da prioridadi, na no convivensa ku utrus pekaduris i gosta di mundu natural.

No ten ku prioriza pasa tempu ku utrus pekaduris ki ta fia na Deus i ki amal manera ku no ta amal.
Kila ta danu coragem i fotalisinu. I ta tudjinu pirdi equilibriu. Kila ta tchomadu igreja. Igreja ka um casa nundé ku nota reuni, o un cultu ku no ta asisti; igreja i pesoas kut a ama Deus i amanu tambi. Pasa tempu ku utrus pekaduris kuta ama Deus (lei Biblia, ora. i djuda kumpanher pa vivi manera ku Deus falanu na Biblia) i fundamental.

Tchiu djintis punta si importanti pa djunta ku utrus Kristons. Ma Biblia ta fala kuma kila i puntu prinsipal. Jesus lanta di mortu pa kria un komunidadi di amor: um komunidadi ki purifikadu nel i satisfeitu di el. El i mostra kila na si manera di komporta dipus di lanta di mortu, ora ki kume ku si amigus, ianda ku elis. i bai vizita elis na se kuartu privadus.

Si es i ka na konvencinu, es storia di un padri kontanu pudi djudanu.

Um dia, um omi bin pa um padri i fala "Padri ña irmon, Paul, korta si relason ku mi i ku tudu utrus Kristons. Bu dibidi bai papia ku el i konvensil kuma i dibidi volta!

I padri bai pa kasa di Paul, i bati na porta i faladu pa entra.

Asin ki entra, i incontra Paul ku na djubi fugu ku na kema ku forsa, i kumprimenta, i bana kabesa sim papia. Padri sinta pertu di Paul. E kumprimenta ku kabesa padri sinta djuntu di Paul ina djubi fugu, dipus pega um feru i tira um carbon branku kina kema na fugu i pui na tchon di pedra pertu di fugu i fasi sinal ku kabesa pa Paul i ri. i pera dipus, algum minutu, karbon fria até ika sobra nada di fugu.

Padri balança kabesa pa Paul, i pega karbon, i lansal utru bias mas na fugu.Dipus di alguns minutu, karbon kumsa kema mas, Padri ri, i balansa cabesa pa Paul mas um bias i lanta pa bai.

Anos no sedu suma ki karbon. Sin fugu di utrus na no volta, no na sfria ku tempo no na pirdi fugu. No dibidi di lei no Biblia, kria um kustumi di ora i adora tudu dia i da prioridadi pa passa tempu ku utrus Kristons, pa no pudi djuda kumpanher pa vivi ku alegria i obedeci a Deus.

Si no fasi kila, Deus na fortikanu, i na animanu ina abensuanu, dipus ina danu oportunidadis pa no compartilha Ivanjelhu ku pekaduris ku presisa tantu suma nos.