Lison 1

No tene bon noba Deus pirmiti amanu i purdanu, i ta danu vida ki ka ta kaba, ina liberta nu di mal, ita danu si amizadi pertu ku el si nos fia nel i obidisil ku amor.

Bu fia na es? Bu odja ke ki i signifika pa bo?

Bíblia ta fala kuma no padidu pa no ama, obedeci, i goza Deus pa sempri ma no ka pudi.

Pabia di ke?

Pabia no padidu separadu di el na dus manera.

Primeru, no ka kunsil, i no ka pudi ama algin ku no ka kunsi.

Sigundu, no padidu ku mau diseju ki siparanu di vida, kunhisimentu i amor di Deus . No mau disejus i kauza di mortu, duensa, injustisa, gera - tudu tristeza di vida.

Kuma ki nos mau disejus siparanu di Deus?

Iisensia di mal i egoísmu ki ta dana relason. Suma un omi ki ta fika perto di si mindjer, i ta kaba pa ntindi mas fasil kuma ki si palabras, si asons ku pensamentu pudi ofendil. I mesmu kusa na nos relason ku Deus. Kuantu mas no perto di Deus, mas no ta ntindi kuma ki no maldadi ta dana no proximidadi ku el.

Kal ki seduba resposta di Deus siparason ku El?

Deus kudji pa torna omi pa kumpu amizadi di pertu ku nos. Kil omi era Jesus.

Pabia di ke i seduba importanti pa Deus bida omi?

Primeru, pa relasiona ku nos pessoalmente. Segundu, pa sperimenta nos alegria, dor i luta. Tirseru, pa sufri castigu di no maldadi pa muri na no lugar. Quartu, pa lanta di mortu pa laba nos maldadi, lebanu pa un amizadi pertu ku el i da nu vida ki ka ta kaba.

Jesus kudji muri pa nos parsialmenti pa prova kuma Deus ta kastiga maldadi. No ka misti un Deus ki ta dixa mal sin kastigu. Mortu di Jesus i un garantia kuma Deus ka na fasi kila, pabia i kudji sufri kastigu di mal, nin ku i ka tchiga di fasi nada eradu.

Objetivo maior ki i tene era pa libertanu di no mau disejus i transforma no korson pa no pudi vivi na amizadi puru ku el. Kila ki Biblia ta fala suma "padidu utru bias". I signifika muda totalmenti, vivi libri di skravidon di no mau disejus, na relason pertu ku Deus.

Kila ta signifika kuma bon noba ka ta para son na Jesus ora ki toma no kastigu.

Bíblia fala kuma dipus di Jesus muri, i lanta di mortu i continua vivi te gos. I oferesi-nu un vida trokadu: si vida perfeitu contra no vida kebradu. Ora ku no seta es oferta inkrivel, si Spritu ta kumsa vivi dentru di nos i ta troka poku poku no mau disejus pa un diseju di si bondadi ki ta fika ina kirsi.

Prosesu di nos sedu limpu i pirfitu ta tchomadu santifikason. Nos ka ta pirfetu so ora ki es vida kaba. Ma, prosesu ta da resultadu pratiku diretu.

Es resultadu ta tchomadu frutu di Spiritu: amor, alegria, pas, pasiência, bondadi, mansidon, fidelidadi, i autocontrolu. Si no sedu Kriston no na kirsi na es atributu. Si no ka sedu, i ora di no vira pa Deus i kirsi mas pertu di el atraves di leitura di Bíblia, afasta di mal, ora, i adoral.

No ka pudi fasi frutu di Spiritu kirsi. So Spiritu Santu ki pudi fasi kila ora ki no mostra nos amor pa Kristu.

Biblia fala kuma i prisis pa no pega no krus i sigui Jesus. Kil frase i un simbolu ki ta riprisenta mortu di no egoizmu. Suma Jesus karga si propri krus (un instrumentu di tortura!), i muri pindurado nel, no ten ki fasi mesmu kusa simbolikamenti atraves di mortu di no egoizmu.

Ke ki manda es i importanti? Pabia nos disejus egoista sta na guera ku disejus di Deus. Jesus pidi pa no nterga no fiansa kompletu. I pidi pa no troka no disejus egoista pa diseju pa Deus. Es i pa mostra no amor, atraves di servis umildi pa Deus ku si povu.

Ora ki no rindi i no kudje Deus suma no uniku satisfason, i ta da-nu forsa ku diséju pa obidisil. I suma dixal sedu ar ki no ta rispira. Inspira Jesus. expira Jesus. Ripiti. Tudu dia. Te dia ki nona muri. I kila ki ta danu korajen de fia kuma ora ki i mandanu trata nos inimigus ku amor, i na djudanu fasil.

Nos relason ku Jesus i relason mas pertu ki no pudi tene pabia si Spiritu sta dentru di nos. Es relason na muda bu vida si bu fia i obedesi Deus ku amor. Dipus, ora ki bu fasi eru, i na djudau pa bu onra Deus.

Bu pudi te pensa si es tipu di vida ka na dixa-bu goza un vida normal. No sta kontenti di fala kuma ama i obidisi Deus fasi no pudi goza pas di Deus i alegria na vida.

Mesmu ki no ka livra di mau disejus kompletamenti na es vida, i tambi no ta fasi erus, no amor pa Jesus ta mata animu di no mau disejus, e ta pirdi se forsa. Deus ta fasi kila pa no pudi goza del, di mundu, i di relasons ki danu na pureza.

Promesa ki maioria di nos ta pensa difisil di fia i di kuma Deus muda nos disejus. I bardadi. Si ka era asin, bon noba kana seduba bon noba.

Keki manda manga di Kristons ka ta vivi bon vida?

Tudu Kristons pudi vivi livri di mal, ma i ten momentus ki no ta nega fasi kila. As ves no ta kudji mal en ves di Jesus, mesmu dipus di no torna kriston.

Alguns tudjidu sperimenta liberdadi di mal pabia elis ka ta fia kuma i pusivel o kuma Deus ta oferesi kila. Otrus ta nega vivi livri di mal pabia ita kusta elis. Pabia i ta pidi interga total i kontinuadu pa Deus.

Keki kila ta significa?

Dipus ki no nterga no kabesa pa Deus, i ta mandanu pa no kontinua nterga. Kila dibidi sedu asin sempri pabia anos tudu, no ta tene tendensia de volta pa egoizmu. Biblia ta tchama es tendensia di natureza di pekadu. kila no ta tenel disna di dia ki no te dia ki no na muri.

A medida ki no ta kerdita i fia na Deus, no ta afasta di mal, ora, adora, lei Biblia, i fica djuntu ku otrus kristons, Spritu di Kristu ki sta dentru di nos ta kumsa muda nos disejus i ta libranu poku-poku di natureza di pekadu.

Kirsimentu ta leba tempu. Ka bu perdi speransa na kil kaminhu. I ka bu toma lentidon di krisimentu suma diskulpa pa ka tenta kirsi.

Onra Deus ta tisi alegria ku pas ki ta dura suma nada na es mundu. No ka ta afasta di mal so pabia di kuma i ka bali; no ta afasta di mal pa no fika satisfeitu ku Deus.

Deus ta tchomanu pa djunta ku el na trabadju pa si gloria. Dipus ki no interga no kabesa pa el, i ta inkorajanu pa partilha es amizadi bonitu ku otrus, kila ta tchomadu evangelismu, i nsina elis kuma ki e ta vivil, kila ta tchomadu disipuladu.

Ke ki i danu i tan bon ki ora ki no sintil, no ka pudi para di papia di el. Ora ki no probal i odja kuma Siñor i bon, normalmenti no ta misti fala pa otrus pesoas pa e pudi sinti liberdadi ku alegria ki no risibi.

Agora mas, es i bon noba (midjor noba!): Deus ta pirmiti pa ama i purdanu, i danu vida ki ka ta kaba, liberdadi di mal, ku amizadi pertu ku el, si no fia na el i obidisil ku amor. Si no fika fiel te fin di no vida, Deus ta pirmiti danu un korpu nobu totalmenti livri di maldison di mau dizejus, mortu, ku distruson, pa vivi ku el pa sempri.

Mau notisia i di kuma tudu kin ki nega oferta di Deus na sufri kastigu ki ka ten fin ku siparason ku Deus ki anos tudu no mersi pabia di no maldadi.

Bon noba di Deus ku mau notisia di ke ki ta kontisi ora ki no negal ta fasi Ivanjelhu i mas importanti verdadi na no vida.

No izisti pa glorifika Deus i pa goza ku el pa sempri. Manga di bias no ta pensa kuma no ten ki kudji entri un vida ki sabi pa nos o un vida ki agrada Deus. Bardadi i kuma fika na kudi mau disejus ka ta danu satisfason pa manga di tempu. interga na mal ta leba pa dipreson, un sentimentu di auto-stima distruidu, i visia na komportamentus distrutivu i mau[45]. Mal ta manda na nos, ta sangria no alegria, i ta dixanu vaziu i sosinhu. I ta tornanu katibus.

Ora ki no disidi pa odja no kabesa suma sirbidoris di bondadi di Deus, i nau suma katibus di mal, prisensa di Deus na no vida ku grandis dons ki i pirmiti na Ivanjelhu ta danu alegria ku liberdadi ki nada ka pudi tiranu el.

Tudu ke ki pirsis i tudu kusa. Tudu no disobidensia pa tudu si purdon, vida, i bondadi di amor.

Manera mas fasil di lembra kila i atraves di Poema di Salbason:

Jesus, Bu muri la na krus
Bu lanta mas pa salba pirdidus
Purdan di tudu nha pekadus
Bin sedu nha Salbadur, Siñor i Amigu
Muda nha vida i fasil nobu
Djudan, Siñor, pa n´ vivi pa bo