ክፍለ ጊዜ 2

ኢየሱስ በመስቀል ላይ መሞት ያስፈለገው ለምንድን ነው?

ያ ጥያቄ ሳይመለስ፣ የእግዚአብሔር የምስራች ትርጉም አይሰጥም።

ለምን የሚለውን ለመረዳት ብቸኛው መንገድ የእግዚአብሔርን መልስ ማዳመጥ ነው። እግዚአብሔር እንዲህ ይላል እኛ ከኃጢአት ነፃ እንድንሆን ከእሱ ጋር እንድንታረቅ እና ፍቅራችንን እና ቁርጠኝነታችንን እንዲያገኝ ሕይወታችንን በቀጥታ ለመኖር እና ለእኛ ብሎ ለመሞት በፈቃዱ መረጠ።

ባደረገበት መንገድ ለምን አደረገው? ምክንያቱም ስለመረጠ።

እግዚአብሔር ሕይወት ያለው በደም ውስጥ ነው ይላል። ይቅርታ የሚቻለው ንጹሕ ደም ሲፈስ ብቻ ነው፣ እንዲሁም ዘላለማዊ ሕይወት የሚሰጠው ንጹሕ ደም ብቻ ነው፣ ምክንያቱም ይህ ደም የሞት እርግማን የለበትም። ለዚህ ነው ብቸኛው እውነተኛ ንጹሕ ሰው የሆነው ኢየሱስ በፈቃዱ ለእኛ መሞትን የመረጠው።

እግዚአብሔር በታሪክ ሁሉ እሱ ለእኛ እንደሚሞት ቃል ገብቷል። ኢየሱስ በትንቢት የተነገረውን ሲፈጽም የእግዚአብሔር ቃል ኪዳኖች እውነት እና ተአማኒ እንደሆኑ አሳየ። በመሆኑም ኢየሱስ እሱ ከመወለዱ ከረዥም ጊዜ በፊት የተጻፉ ከ 300 በላይ ትንቢቶችን ፈጸመ።

ኢየሱስ ለመሞት በመምረጡ ያከናወናቸው አንዳንድ ነገሮች የትኞቹ እንደሆኑ በዝርዝር እንመልከት።

1. እኛን ወደ እግዚአብሔር ለማምጣት እሱ ሞተ።
2. የእሱ መንፈስ ሕይወት አመጣልን። በክፋታችን ስንሞት፣ በእሱ መንፈስ ሕይወት አገኘን።
3. ለእኛ ኃጢያት እሱ ተገረፈ፣ እናም የእሱ ቅጣት ለእኛ ሰላም እና መዳንን አመጣልን።
4. የእሱ መታዘዝ ትንቢትን ፈጽሟል።
5. እርሱ በመስቀል ላይ ሲሰቀል ለእግዚአብሔር ያለንን ዕዳ ከፍሎ የእግዚአብሔርን ፍትሃዊነት አሟልቷል።
6. እኛን ለማስቀበል እሱ ተጥሏል።
7. ሕይወቱን እንድንወስድ ሲል ሕይወቱን በፈቃደኝነት ሰጥቷል። በዚህ መንገድ ነው የሕይወት መለዋወጥን የሰጠን—የእሱን ለእኛ።
8. ለእኛ ጥሪ የሚደርግልንን የአገልጋይነት እና የራስን ጥቅም የመሰዋት ምሳሌን አስቀመጠ፣ በዚህም ዓለምን አነጻ።
9. ከክፋት ባርነት እርግማን ነጻ መሆን እንድንችል እሱ እንጨት ላይ በመሰቀል የእኛን እርግማን ወሰደልን።
10. አዳም ያበላሸውን እሱ አስተካከለው። መጀመሪያ የተፈጠረው የሰው ልጅ አዳም የተወለደው ያለ ክፉ ምኞቶች ነበር፣ ነገር ግን የእሱ ክፉ ተግባራት ለአለም ሞትን አመጡ። ኢየሱስ የተወለደው ያለ ክፉ ምኞቶች ነው፣ ነገር ግን ኃጥያት የሌለበት ፈቃደኛ ሞቱ ለአለም ሕይወት አመጣ።
11. እሱ የመጀመሪያ እና የመጨረሻ ነውና ሕይወት ሁሉ ተጣርቶ የሚያልፈው በእርሱ በኩል ነው።
12. እኛ ሕይወትን እንድንቀምስ እሱ ሞትን ቀመሰ። እንዲህ ማድረግ ባይስፈልገውም በሁሉም ነገር ላይ ስልጣን እንዳለው ለማሳየት ሁሉን ነገር በተግባር ኖረው።
13. እሱን ለሚጠሉ ሰዎች ሕይወቱን በመስጠቱ እርሱ እጅግ ታላቁ አገልጋይ ነው። በዚህ ውስጥ ፍቅሩን ማንኛውም ሌላ ድርጊት ሊያሳየው ከሚችለው የበለጠ እሱ በጥልቀት አሳየ።
14. ፍጹም የሆነው ደሙ ሕመማችንን ይፈውስልናል እንዲሁም ማለቂያ የሌለውን ሕይወት ይሰጠናል።

እንዴት ያሉ አስደናቂ ስኬቶች እና ቃል ኪዳኖች ናቸው! ለእኛ ምን ማለት ናቸው?

እግዚአብሔር እንዲህ ይላል ኢየሱስ የሞተው እና ሁሉንም ነገር ያደረገው ለእኛ እንደሆነ ስናምን ያገኛቸውን ሽልማቶች እናጣጥማቸዋለን። እኛ ከክፋት እርግማን ነጻ እንድንሆን ኢየሱስ የእኛን እርግማን ወሰደልን። ይህ ቃል ኪዳን ሕይወታችንን እና ደስታችን በእሱ ስናገኝ በክፋት ከመዘፈቅ ይልቅ እንድንወደው እና እድንታዘዘው ብርታት እንደሚሰጠን ያረጋግጥልናል።

በፊት ማስወገድ ያልቻልናቸው መጥፎ ልማዶችን ስንመለከት ተስፋ የመቁረጥ ስሜት ሊሰማን አይገባም፡፡ እግዚአብሔር እኛን እንደንጹሕ ማየት እንዲችል ኢየሱስ ዕዳችንን ከፍሎልናል፡፡ ይህ ቃል ኪዳን ምንም ነገር ከእሱ እንደማያግደን በራስ መተማመንን ይሰጠናል፡፡

የዳንነው እኛ ባደረግነው ሳይሆን በእግዚአብሔር ጸጋ ነው፣ ስለዚህ በራሳችን ችሎታዎች መኩራራት አንችልም። አሁንም፣ በሕይወታችን ውስጥ ያለ ለውጥ ነው በእግዚአብሔር ላይ ያለን እምነት እና ለእሱ ያለን ፍቅር እውነት መሆኑን የሚያረጋግጥልን። ለምሳሌ፣ አንድ ሰው ሚስቱን እወዳታለሁ ብሎ እሷን የማያስቀድም እና በፍቅር የማይዝ ከሆነ በእውነት እንደማያፈቅራት እያረጋገጠ ነው። ምንም እንኳ ለእሷ ጥልቅ መውደድ ቢኖረውም የአኗኗር ዘይቤው ቃላቱን ትርጉም አልባ ያደርጋቸዋል።

እግዚአብሔር ማን ነው በሚለው እና እሱ በገባልን ቃል ኪዳኖች ላይ ያለን እምነት እሱ ከእኛ የሚፈልገውን ሕይወት እንድንኖር የሚያስፈልጉን ምክንያቶች እና ብርታት ይሰጠናል። መጽሐፍ ቅዱስ እንዲህ ይላል ይህ የሚሆነው በቅዱስ መንፈስ ሲሆን የኢየሱስ እንደሆንን እና በእሱ መስዋዕትነት ምክንያት እንደ ጻድቅ እንደምንቆጠር ዋስትናችን (ማረጋገጫችን) ቅዱስ መንፈሱ ነው።

በኢየሱስ ላይ ያለን እምነት ንጹሕ ሕይወት በመኖር እንደ ክርስትያን ማን እንደሆንን እንድናረጋግጥ ብርታት ይሰጠናል። ይህ ፍጹም እንሆናለን ማለት አይደልም፣ ግን ክርስትያን ከሆንን እግዚአብሔር ፍጹም የሚያደርገን ይሆናል።

እናም በታማኝነት ከቆየን፣ በኋለኛው ሕይወት ሙሉ በሙሉ ፍጹም እንድንሆን እንደረጋለን።

ኢየሱስ እንዲህ አለ እኛ ወይን ላይ እንዳለን ቅርንጫፎች ነን። የእሱ ስንሆን፣ ወይን ላይ እንዳለ ቅርንጫፍ የእሱን ሕይወት መጠቀም እንጀምራለን። የእሱ ስሮች ምግብ ይሰጡናል እንዲሁም መልካም ፍሬ እንድናፈራ እግዚአብሔር እኛን ማስተካከሉን ሲቀጥል እንድናድግ ይረዱናል። እኛ ውስጥ እንዲያድግ የሚያደርጋቸው ፍሬዎች ፍቅር፣ ደስታ፣ ሰላም፣ ትዕግስት፣ ቸርነት፣ መልካምነት፣ ቅንነት፣ ታማኝነት፣ እና ራስን መግዛት ናቸው።

በኢየሱስ ሕይወት እና እሱ ለእኛ ሲል በመሞቱ ላይ ባለን እምነት አማካኝነት ሕይወታችን በእግዚአብሔር መንፈስ ከተቀየረ በሕይወታችን ውስጥ ያለው ለውጥ እምነታችን እውነት መሆኑን ማረጋገጫ ይሰጠናል። እነዚህ ቃል ኪዳኖች እሱ በሞቱ ያከናወነው ነገር የእኛ መሆኑን ማረጋገጫ ይሰጠናል።

የምንድነው በመንፈሱ ፍሬ አይደለም። ራስ መግዛትን ከተገበርን እና ሰላም ካለን፣ ያ አይደለም እኛን የሚያድነን። ነገር ግን ፍሬ አልባ ሕይወት እየኖርን ከሆነ፣ ክርስትያን መሆን አለመሆናችንን መጠየቅ አለብን።

ደሙ ውኃው ነው፣ የእኛ ሕይወቶች ደግሞ ቅርንጫፎቹ ናቸው። ጠንካራ እና በሳል ለመሆን በወልድ ብርሃን ውስጥ ይመላለሱ።