Karakata kuim

Engari uenakia shangarani ta Kristu jingoni, mintsingali eshka ima tu jingoni jalashka, jimpbokari kuetaroka mintsitalo.

Engari kuetaroka mintsitalo, miantsi eshka Dioshi santdaru uingapishka eshka iamentdu ambe, santdaru eshka shiti shikekua. Mintsika eshka imakini sherentashka ka jumpbanguikini untashti.

Engashi kokopenchanka ka ishi pikualerani eshka noteru ambe ma erokulini jalania, miakulintashingashi eshka no juchari ampbakikua jimpbo shishi unka (noshi ampbakitichashka), ta Kristu shi sesi unti juchari mintsitalo enga juchashi imani mintsingalioka, ka uekani, jagangalini ka kulachani.

¿Shani kanikua uingapishki ta kristu engatsini no jurakuaka kuichikuani jashi ambe eratsikuni ia jashi? Ishiti uingapiti. Iamentdu ampbakiti ambe juchari tsipikualo imatsini intskuti. Juchari sesi eratsikua imeriti, julashini juchari mintsikakua jimpbo, engashi uekoka ka jangulintani.

¿Angashulio sesi ka kuachakuakini kuichikuani jashi ambelo? ¡Sesi jimpbo ishi uati!

Jimankani, ¿antdishishi shani no uingapini pikualeranki? Jimpboka ima ishi uekashini, ishi ushingashi imantku mintsikani. Eshka shiti no uingapikuakini no chikuanterachioka. Miantsi eshka ishi jimpborishi uaka mintsingalini dioshini ka jintdehuati chiti uingapikua.

Jimankani, ¿ambetsini chipachishingui dioshiri mintsingalikuani? Enga juchashi uenoka no jangashkani ka no ishekulini eshkashi uaka kulachani. ¿Ambe jimbo?

Mirikulishingashi neshki Dioshi. Mirikulishingashi neshki jucha ima jingoni. No jangashkashingashi juchari mintsingalikua jingoni, eshka ima kanikua uingapishka ka uatitsini pinkuni kuichikuani jashi eratsikualo. Ka sesi jimpbo, menguichanshi jurakushinga eshka juchari mintsita kuichikuani jashi ambe chushapoka.

Kuichikuani jashi ambe chushapani menguichani kanikua pinashku jangashini ka kanikuatsini no sesi uchishini. Kuichikuani jashi ambe uenashini juchari mintsitani iahuani jalaritani ta Kristu jingoni. Jimpboshi shani ampbakiti ambeti mentkishi koloni jalani dioshiri karakatani, komu alini ka keri alini mantdani pahuani. Jimpbokashi kentdikushinga sontku ka noshi ioni miashinga.

Juchaje nomeni mirikulini eshka dioshi jintdeshka juchari tsipikua. Piriekua ma pimutantskuari ishi alishini: "Sherentarini ka mendaru uentarinia untania". Miah eshka juchari tsipikua notaru meni makoni jashishinga tatsikua engashi mitinkia ta Kristuni, sesi jimpbo ima jimpboti engashi ishenkia neshki ta Kristu.

¿Jatsishkiri sesi paperakua ma o ma kerikua ma engari mintsita jingoni uenka? ¿Antdirishi uekonki? ¿Jimpboka ampbakiti ma kuiripushka?

Ma shangarishi kulanmalishpti achamashini ma uekashimpki imeri ualitini jimpboka ampbakiti ma kuiripushpka. Ima achamashi no jangashkerashpti ka no jaiapanguintashpti. Ima uekashimpti jimpboka kanikua sesi ambeshpti. Ima no uekashimpti imeri ualitini jimpboka ampbakiti kuiripupka. Ima mitishpti eshka no ampbakiti kuiripushpka, ka santderu uekashimpti jimpboka imeri ualititu uekashimpti nakuru ima no ampbakiti kuiripupka.

Ta Kristuri ueperakua ishiti. Juchari ampbakiti kuiripukua noma ushini uni. Uekashingashi jimpboka kanikua sesi ambeti. Juchaje mantdani pahuani eratsini eshka kanikua sesi ambeshka ka jimankani pikualerokashi eshka imeri ueperakuatsini uinirashinga juchari unichalo jimpberi.

Ushingashi ini ambe uni engashi kolohuaka dioshiri karakata, engashi komu alioka ka keri alini.

¿Nori jangashkashingui eshka ishi uaka?

Kolo eshka Dioshi aiokulishka mentdkishi tu jingoni jalani ka nokini jurakuni. Kamalukuati ampbakiti ukuani enga uenaka tu jingoni. Uekatikini nakuru tu no ishenchampka ka erakutikini eshkari imerihuaka. Nonimakini uati kentditani imeri ueperakualo, shiti no mintsingalikua ka kuichikuani jashi eratsikuakukinishi kentditoti, jimpboka imakini puatsintatia ka ima jingoni jalashkaria.

Engari no jangashkani jahuaka eshka ima jumpbangui untashinga shiti eratsikuani, miantsi eshka imeri uantdakua jimpbo ushinga. Engari no jangashkani jahuaka eshkari jatsishka uingapikua, miantsi na shani ionikini intskushkia uingapikua ka kentditani kuichikuani jashi eratsikua. Engari no jangashkani jahuaka eshkari uekashinga, miantsi eshka kanikua sesi ambeshka uekani Dioshini. Engari no jangashkani jahuaka eshkari uaka sesi ambe uni, miantsi eshka iamentdu sesi ukua ambe imakini intskushinga.

Kashumpikua jingoni shangara, ueperakua ka kulachaparini ta kristuni ka jakakuparini eshka imakini ampbakuntashinga ka mentkishikini jumpbangui untani.

Dioshiri Espiritru juchari inchanguikurini iriekati. Ueperakua jingontsini pilikuntashini engashi no jimberi unka pikualerani. Makeri jatsishingashi imeri tsipikua ishi eshka chalaku sapichu ma imeri amampba jingoni. Chalaku ka amampba tsimani kuiripushinshi, ka imechari tsipikua sesi jashi jimpbo jihuekulitini jalashinshi. Dioshiri Espiritu pinpingashitutsini ishi intskushini tsipikua juchari eratsikualo ta Kristuri iuliri jimpbo.

Imeri Espirituni ishi pikualeranka juchari inchanguikurini engashi komu alinka ka keri alini. Mitini eshka imeri espiritu iriekashka juchari inchanguikurini kanikua tsipikua ambeti mantdani pahuani. Engashi jucha no mitioka mentkishi eshka imeri espiritu juchari inchanguikurini iriekashka, noshi uingapini pikualeroka. Ka ima jingoni, imeri espiritutsini intskushini uingapikua no ishi eshka maretaru ambe.