Lison 9

Orason i papia ku Deus.

Jesus mostra um izemplu simplis di kila nundé kita tchomadu Orason di Siñor,' na Mateus 6:9-13. Es orason i un resposta pa un di si amigus ki punta kuma ki ta ora.

inda i ten diferentis tipu di orason suma i ten diferentis tipu di papia ku amigus. No pudi ora pa otrus pesoas. No pudi ora pa nos mesmu. No pudi pidi proteson, kura, forsa i sabedoria. No pudi agradesi Deus pa si bondadi, miserikordia i purdon. No pudi falal di keki ki no gosta. No pudi agradesil pa kusa ki i danu. O falal di no priokupason, medus, duvidas i perguntas.

Tudu es kusa i bon!

Deus misti pa bu ora ku onestidadi. I kunsi bu pensamentus. Ora ku bu korson interu. Aproxima del ku umildadi, gratidão i konfiansa.

Bo ora ku mon riba, o mon na perna. Bo ora ku udju abertu o fitchadu. ianda, fica diritu, sinta, curva, o dita. Ora parmaña ku di tardi, o dia tudu

Kabu tenta parsi profundu. Deus ka ta impresionadu ku palavras bonitu. I sibi mas di ki bo. Sedu sinceru. Sedu abo propi i papia ku Deus ku ripsitu, fia kuma i misti obi bu orasons, i kuma i ta gosta di sta ku bo.

Ora pa bu kabesa i ora ku utrus. Ora djuntu i importanti! I ta djuntanu i ta agrada Deus.

Ka bu sta intimidadu pa utrus pekaduris ku sta mas confortavel na mumentu di ora ku vos altu. Ora i ka sobri nos. I sobre kirsimentu mas pertu di Deus enkuantu no na espresa no korson parel. Si alguim fasi bu sinti tulu pa manera kubu ta ora, kila ta mostra mas si maña ki di bo. Ita mostra arogansia, orogansia i mal.

Tudu Kriston dibi disinvolvi um abitu di orason ku diligensa. Kila ta signifika marka un ora tudu dia pa ora. Sibu ka fasi kila , orason ta tene manera di disparsi di bu vida. Si bu ka pratika orason markadu, bu pudi kumsa ku un padas di tempu di kinzi minutus. I rekumendadu pabu marka bu tempu di parmaña sedu , antis dibu kunsa bu dia. Fasi pa i sedu mas util di ki ora kubu marka tempu di dinoti pabia bu pudi sta kansadu , okupadu, o distraidu. Orason tene um manera di muda kursu di bu dia pa bom.

Dividi bu tempu di orason pa diferentis partis. Bu na odja i na djudau sibu skirbi um planu di orason pa bu tene um kusa di djubi si bu tene dificuldadi pa pensa na un kusa pa bu ora.

Ali um planu ki no sujeri: purmeru, konfesa kualker eru kubu fasi. i pidi Deus pa purdau. Dipus pasa algum minutu pa gardisi pa si bondadi, purdon, mansidon i amor. Pasa mas alguns minutus, ngabal pa si fidelidade i puder. Ora pa bu familia i amigus. Fika ketu un nbokadu, spera Deus pa i papia ku bo.Dipus pasa tempu ku sobra na ora pa Deus dau forsa pa bu dia.

Bu pudi utiliza Biblia pa guia bi orason. Pur ezemplu, lei Biblia, dipus papia ku Deus sobri kusa kubu lei, i pidil pa djudau bu intindi kusa ku bu ka ntindi diritu.

Bom kustumi ta leba tempu pa kirsi. Tene pasiensa ku bu prusesu. Tene pasiensia ku bu kabesa. Ma ka bu sedu pirguisoso

Dipus di bu sedu diligenti pa pasa kinzi minutus na orason kada dia, tchiu djintis ta pensa kuma e dibidi aumenta tempu di orason. Kila i maravilhosu! no odja kuma i sempri bon pa dividi tempu pa diferentis pontus. I ta ivitanu pa no sedu subcarregadu o frustradu.

Orason i intensional, suma amor, i dibidi sedu ativu pa i sedu di bardadi.

Bu pudi ate fica surpreendidu, si bu disidi tenta, pa ora duranti un ora i ka so pusivel, i tambi agradavel! Kila pabia no pirsisa di ora. no disdja um relason pertu ku Deus mas di ki kulaker utru kusa. Kil relason intimu ta mudanu.

Deus ta tchomanu pa orason. I ta disdja pa no papia ku el. Papia ku Deus ta satisfasi no alma di um manera ki nada mas ka pudi. Ora ku no nigligensia orason no ta niglisensia no kabesa ku pekaduris ku no ama. No pasa tempu ku Deus, pa i pudi danu forsa ku koragen tudu dia!

I gosta di satisfazi i alegranu ku si presensa. I misti sta ku bo, pa bu pusi kunsil i apresial.

Marca tempu ku Deus na bu dia, si nau bu dia na tira Deus nabo. Si bu dixa di ora, bu na sinti disanimadu. abo so isoladu, i bu na kai na mal. Ma si bu fiel na ora ku forsa, Deus na ricompensau mas fundu ku bu ka pudi imagina.

Bu sibi kuma Deus ta ora pa bo?