Karakata tanimu

Kanikua ampbakiti ambeti mitini ka mintsikani eshka ta kristu tsintashka ka jahuarani jima enga ualiricha jaka ka iashi tsipiti jalati mentkishi. Enga ta kristu utashi ualirini japiringa, noshi upiringa iriekani imeri tsipikua. Ka jimpboka imeri espiritu iriekani jaka jucha jingoni ima jintdeti sandaru keri intsinperakua engatsini aiochini jaka.

Engashi jimpbo unka Dioshi jingoni iriekani, ima jimpboti, enga ta kristu ualika ka jupalintantsini dioshiri ulepani jimpbo, ka sesi jimpbo ukulishini jimpboka tsintdati ka jahuarati jima enga ualiricha jaka ka imeri mentkichi tsipikua juchari mintsitalo jalati. Ishitsinishi aiochinti mentkishi iriekani nakurushi ualioka, jimpbokashi tsintoka ka iriekani mentkishi imeri tsipikualo.

Ta Kristu sesi jimpbo jintdeti dioshi, ka sesi jimpbo jintdeti achamashi ma. Adani ka Eva, jintdeshptishi achamashi ka ualimashi engashi uenapka. kuerongashptishi ka nomeni ualipirinishi. Ka imechari kuichikuani jashi eratsikuacha jimpbo ualishptishi. Kamangalinskua ambe juchantsitutsini uantdikuati, ka ta kristu iriekashti mentkishi jimpboka nomeni niatati kamangalintskua ambe. Ishi jimpbo shalatachititsini eshka dioshishka jimpboka dioshikushi julinpititi.

Nakuru ta kristu ualipka, kuichikuani jashi ambe no uantdikushpti. Ima intspikulishpti imeri tsipikua, ka ualikua no ushpti mentkishi jatsini jimpboka nomeni niatashpka kuichikuani jashi ambe. Imeri pipingashikua intskuntashptin uingapikua ka tsipikua.

Intdeni ambeshi uti ima.

Ta kristu tsintdati, isherpiti imeri uingapikua, eshka dioshishka, eshka julimpikua jingoni kuiripu mashka, ka imeri uingapikua engatsini tsitantoka ka intskuntsini tsipikua. Ka santdaru ampbakiti ambe jindeti eshka ima tsintashka ka mentkishi sesi paperakua jatsiokashi ima jingoni.

Juchaje eratsintani in ambe.

Nomeni jintiaku pikualerokashi jimpboka ima juchari mintsitalo jalati. Ushingashi antdaliarani mentkishi mantdani pahuani. Ushingashi komu alini ka pikualerani imeri pikualerakuechani juchari mintsitalo. Ima mititi juchari eratsikuachani ka uekashintsini. Imatsini intskushini uingapikua ka ushingashi iriekani pipingashi. Ushingashi iriekani imeri ueperakualo, tsipikualo, mintsikulikualo, tekontskualo, sesi kampikualo, ampbakiti kuiripukualo, mintsingalikakualo, kashumpikualo ka sesi angashulikualo. Imatsini aiochishini tsipikua ampbakiti, engashi ishentoka juchari tsipikua ima jingoni.

Dioshiri karakata alishini eshkashi uaka kanikua keri ma paperakua jatsini ta kristu jingoni. Kanikua makeri jalani ima jingoni eshka ne uekini materu nemani ishu palakpini. Santdaru uekani eshka marutari ambe ka materu nemani. Ka kulachani ka keri alini tsipikua jingoni ka metkishi.

Kuerongashkashi ka uekokashi ta kristuni ka iriekokashi ima jingoni, dioshiri karakata alishini eshka jakakuticha ishishka ta kritu jingoni eshka tamunkulirini jamani. Ka ishitu alishini eshka nenga jiskoka ta kristuni tsinchioti mentkishi. Juchashi niantoka ta kristuri jakiolo. Ima enga ikiakunka ta kristuni no niantoti imeri jakiolo, sesi jimpbo iahuani jahuati sinchitini mentkishi.

Kanikua chongalikuani jashi ambeti sinchini enga no iamentducha unka kulanguni. Uanikuashi no ushini esheni eshka iamentdu iriekua ka tsipikua dioshi intspishinga. Iriekualo ushingashi jatsini sesi jashi ambe jimpboka dioshi tsini intskushini. Engashi ualioka, iamentdu ambe ihuangatokashi, ka sesi jimpbo oshi pakaro ta kristu ka imeri tsipikua jingoni, o imani sinchikua chongalikuani jashi jingoni iahuani ka nomeni mintsikulikualo.

Uenashkashia isheni eshka ta kristuri jaki jintdeshka enga sesi jimpbo iamentdu palakpini jiringantoka niantani. Kanikua keri ambeti enga juchashi iashi unka ishintani mintsikulikua ka sesi jashi iriekua ima jingoni. Iamentdu ima enga iriekani jaka kanikua makeri ta kristu jingoni uatikini isherani eshka ima santderu sesi ambeshka eshka iamentdu ambe.

Uenani jamani, chekulishini jurakuni eshka inchoka juchari mintsitalo, jimpbokatsini isherashini iamentdu juchari kamangalintskua ka pakachukushintsini tinkuishulini. Ka ishi eshkashi na tinkuishulioka, imatsini tsipikua jingoni ampbakuntashini ka intskushintsini uingapikua ka ishi ushingashi angashulini sesi ka chushapani.

Engari jiringantashka ta kristuni ka intskuntani shiti tsipikua, ima santderu ampbakiti ambe uati tu jingoni, jumpbangui ka pinpingashi untoti shiti tsipikuani.

Jimankani, tatsikua engari ualioka, niantokari imeri ampbakiti jakiolo.