Ngigsa 5

Lin vi vu bio ri, ke bo Nzambi, a taare na nung tsiʼg vii. A zirga sá balee vi kieloo minlima ri. A zirga tsiʼg vii, masusi mavii. A tsendi kaʼg ñina vi ñina tsiʼg. Bibel gio ye naa mbiala wanaa ma sindi.

Bibel biala na mam malal pe liole ntsenda vi lab na nwo nwuna. O wa, a liole mam malal Yesus yí: Nkur bur, Ntsi, Súo.

Bibel liole vi naa Yesus mi mbe mur sueʼg naa a yu, na pfie ma sui yé. Ñe mi ngio ngio bogig bó hea na bur ñe mi nkyual nkyual naa bo yi “bosúo” bó.

Pfie ma sui ma Yesus, ñe mi mpongle gia naa a liole bur mi ngyu ñe naa bo mi mbe na makyu. Di, ñe mi nkumsa bidiu puʼg ma bosúo bó, ñe mi nke kaʼg yimbo na bo, a ke ri bo kue naa bo diʼg luanga. Ndtande ginʼga ki naa ñe mi nke pama bosuo bó luanga binuma bo mi mbe bo dzil, áʼg liole bo mabama mó, na di luanga na bo.

Ñe mi nwum bo liole naa sá mataara mi nnieʼg pán na ñe si ñina ri yi naa, a nzi kie nlar.

Lin mura das ngkum nwó sá ndzinii, a nziéʼg ná ye kumsa, a taare na buangsa kundaʼg nlima púsi ñe naa a sáʼg ndzina. Buangsa a búangsa sá a ke das, na giaga ye, na tsile buang bibang kalar ri, mam maywema ma kuel ñe naa a búangsa kyual a kyual ngyum.

Nagi lin a buangsa ngyum, na sá mam ñe buangsa puʼg yé, ye lungsi kyual a kyual ngyum, ye ñinʼga mabvoʼg a bir bo ñe ri.

Pueʼgpueʼg yi naa pe naa vi límba súo a lar na vi, ye dzii naa a kúra vi bio ri, a zírga ñindi ma bitsiʼg bivii. Mbpi a yí Nkur bur, a kiere vi pil mbpi pil, na kur vi. Vi nñina mam mana momea mam vi nzí taare lab pee bvuo ri.

Yesus mbpi Nkur bur, gi ye wum lée?

mur yí ntsi yi mur bir dzi pang pe ke na bur. A ki naa “saʼg mbpi” , bopfuuri bó báʼg sá ñe magyueʼg. Bibel ki naa a lée naa a ywua na be Ntsi mvii. E yi sá ywuaʼg be le nambvul be kile miaʼgle, ka o wum be na lar súo na ñe.

Ywaʼg dig ye nung bio. Aʼg wum le naa vi saʼg ñe magyueʼg mbpi sá ki naa mpfuma ber vi tsiung ri. Puaʼg bikien mafu pfie, Nzambi mi ndziga na bur mi nsá ñe magyueʼg nadtang bo mi ñimle bo.[9] Nzambi wum naa bur bo saʼg ñe magyueʼg napuʼg naa bo bir nwuma susgu ñe. A wum naa vi laʼg ñe bitsiʼg bivii na kyual vi kyual ñe vu vi minlima ri; naa mabvoʼg mavii momea ma baʼg bo ñe; kaʼgle koo napuʼg naa bo dzii vi naa vi saʼg ndzina.

Ka ywaʼg wum le ñe sá magyueʼg na le ñe tsiʼg ye, gibla ywelepfuo bang yé ritu (Bibel), buangsa nze Nzambi yí, nze a lée naa ywe yi, sá a nzí sá puʼg ye. Pfie riye, kanda sueʼg na wum sii bebee na ñe.

Mur yí ntsi yi mur bir dzi pang pe ke na bur. A ki naa “saʼg mbpi” , bopfuuri bó báʼg sá ñe magyueʼg. Bibel ki naa a lée naa a ywua na be Ntsi mvii. E yi sá ywuaʼg be le nambvul be kile miaʼgle, ka o wum be na lar súo na ñe.

Ywaʼg dig ye nung bio. Aʼg wum le naa vi saʼg ñe magyueʼg mbpi sá ki naa mpfuma ber vi tsiung ri. Puaʼg bikien mafu pfie, Nzambi mi ndziga na bur mi nsá ñe magyueʼg nadtang bo mi ñimle bo. Nzambi wum naa bur bo saʼg ñe magyueʼg napuʼg naa bo bir nwuma susgu ñe. A wum naa vi laʼg ñe bitsiʼg bivii na kyual vi kyual ñe vu vi minlima ri; naa mabvoʼg mavii momea ma baʼg bo ñe; kaʼgle koo napuʼg naa bo dzii vi naa vi saʼg ndzina.

Ka ywaʼg wum le ñe sá magyueʼg na le ñe tsiʼg ye, gibla ywelepfuo bang yé ritu, buangsa nze Nzambi yí, nze a lée naa ywe yi, sá a nzí sá puʼg ye. Pfie riye, kanda sueʼg na wum sii bebee na ñe.

E yi nambvul be naa e yaʼg ywe nlima ri naa o wum be pfuna na mur. Lin bur bo yí mbana, kaʼgle pil ñenwyua nlima tsiung mur bo nwunʼga. Di ka mur mbpi mur taare na biala na nwunʼga kyual ritu, nlima ma ñi mbpi ñi ki taare waʼg tsangoo bo mur nwunʼga koo sueʼg na sueʼg.

Mam mana ma yi na mala, nagi Nzambi biala na mo pe tsendi vi. A Kyuaʼg vi pe naa vi baʼg mbpi ñe Nkur bur, Ntsi, na súo.