Karakata ium

Engashi jucha junguaka andalientni ta dioshini ka jalarinshi kuichikua jashi ambeni, ima uenashindi juchari tsipikuani p'ikuntani, ukulintashindi juchari tsipikua. Ka juchari tsipinchakua. Mojtacushidi imani ebgashi jucha eratsitini jalanka nanina tsipini. Dioshiri karakata indenishi alikuekanijati eshkashi ishi nitamani jauaka nanina jumbangueranani juchari eratshikuani.

Dioshiri karakatajtsini shalatachishindi indeni mojtakukuani tanimu ambe jimbo enga na jindeka, P'imutantspiri, Tata', ka P'ichpiri.

Dioshiri karakatajtsini kanikua isheparini shalatachini jalashindi na enga ta kristu jindepka k'uiripu ma enga ima notki ualimka ka jimajkantu enga ima ualipkia. Ima "p'ichpirikua" jimbo uandajposhimti imeri julengulirichani ka k'uiripuchani enga ima uekomka.

Tatsikua enga ima tsintapkuia, ta kristu noma alioshpti imechani engashi uandikupka eshkashi nosesi ambe ushpka, sandaru sani t'iriekua ma ukuantoshpti imeri p'ichpirichani imecha jingoni shangarashpti ka majk'eri t'irieshpti imecha jingoni. Mendaru jimbo ishi shalakuashpti imeri p'ichpirichani k'umanchikualo ma isheroshpti naninga shani atakata japka ka t'irieshpti imecha jingoni.

Uekashimti ishesani k'uiripuni eshka ima jimboshi jupka palakpini ka eshkashi k'uiripucha jatsipiringa sesi pajperakua ma.

Ta dioshi enga iamindu amberika imeri p'ichpirijtsini alishati. Maluachishindijtsini ka uekashindijtsini, ishi eshkashi jucha na maluakunka ka uekanshi. Juchari inchanguikurini iriekashati, indeni uekperakua jingoni enga no meni sherekulintanka. Juchashi uekperashinga ka jangangalperashingashi mataru ka mataru.

Engari uekanka ka jakajkukuniri enga ima uandanka imeri ambe, t'uri jalarini jauaka iamindu chiti kuichikuani jashi ukuechani ka p'ikualerani jauakari dioshiri uekperakuani ka imeri uingapikuani chiti tsipikualo.

Ka sesi jimbo, eshkashi jucha uaka sesi jimbo p'ikualerani indeni sesi k'amberakuani, uetalishindi eshkajtsini sesi jimbo p'ijpantoka ka eshka ukulintoka juchari tarujkanikualo anapu tsipikua. Eshka neka, juchari p'imutantspiti, engajtsini mentkishi p'uachintani jalanka, ka p'ijpantantsini. Indeni ambe uandashkasha mataru karakatachalo.

¿Ka ambe jalashki ta kristu jingoni eshka tateshka?

Tata ma imashindi enga uingapikua jingoni juramunka. Ka uandani: ''ishi uje'', ka imeri jantspirichashi kulajchani. Dioshiri karakata uandashindi eshka ima kulajkulishinga jindeni juchari tateni. Ka jindejti ma ambe enga ima kulajkulini jaka ka eshkashi iriekoka sesi pajperaparini ima jingoni.

Ashi tamishi jangashkani ja, ima no uekashindi eshkashi jucha ishinichani kirishamintouaka ka jashi kulajchani. Ueshulinicha ma jimbo ta dioshi ikiashpti maru k'uiripucha jingoni engashi kirishamintapka ishinichani ka ishishi kulajchani. Dioshi imanishi uekanti eshka k'uiripu kulajchoka jimbokashi uekashinga jaiapanguitarantani. Uekashindi eshkashi intskuntoka juchari tsipikuechani jimbokashi uekashinga sesi jimbo ka mintsikashingashi, ka no jimbokashi jatsishka eshkashi ishi uaka.

Engari no uekanka kulajchani ka intskuntaniri chiti tsipikuani, inchami sandaru {dioshiri karakatalo}, ka eratsikuntsi neshki ima, ka na uandashingui eshka neshkiri t'u, ka ambe enga uka t'unguini jimbo, tatsikua uingamindu jiringantsi nanina jalani kokani ishi ima jingoni.

Ishu jalajti ma shalatakua nanina uni enga janguejchani jauaka nema jingoni. Temunguliricha ma noshi mentkishishi jirinkperantashindi mataru ka mataru, k'oru engashi sesi k'amberanka ima sesi k'amberakua k'uiripishindi.

Ualiti ma intsimperakua ma ukushindi imeri achatini, ka enga jumberi ima uni jalanka miantashindi eshka ima ambakiti k'uiripushpka imani jimbojku enga ima piani japka ambe ka uni jalani karakata ma juletashindi eshka ima sandaru p'ikualerapiringa ambe ma imani jimbo jimboka miantashindi neshingui sesi jimbo imeri , mintsitalo p'ikualinguishindi ka iamindu ambe sesi ukulishindi imani jimbo enga ima unka jakajkuni.

Engashi miantanka neshki ta kristu ka nashani ambakiti k'uiripushki juchantsini jingoni, inde ambe ukulishindi juchari mintsitalo, ka sesi jimbo , ka sesi jimbo ima mojtakushindi juchari unchakuechani ka intskushindijtsini. Uingapikua eshkashi uekperakua jingoni kulajchoka ka mintsikani jalani imani.

Ka eshka dioshiri aiotsperakuechashi juchari tsipikuachalo ukulini jauaka, uetalishingashi jiringantani sandaru imani , imeri uandakuechani alintaparini, k'omu aliparini, mintsikaparini, kulajchaparini imeri juramukuechani. Iamindu indeni ambe ushindi eshkashi jucha mendaruni eratsikuntoka, ka eshkashi jiringatoka eshka juchari P'imutantspitini, ka Tatani, ka P'ichpirini.

Ini ambe uetalishindi eshka ishi ukulioka jimboka dioshi indeni ambe jimbo ushindi eshkajtsini uaka mojtakunitani, ka mendaruni jashinshi. Ima mojtakuntashindi juchari iriekakuani imani jimbo engashi jucha mintsikanka eshka ima jindeshka juchari p'imutantspiri, ka juchari tati, ka juchari p'ichpiri.