Lison 4

Ora ku no papiaba di kusas ku Jesus konsigui ku si mortu, nona odja kuma fiansa na si afirmasons sobri si kabesa ta danu tchiga na si promesas, ma pa si promesas torna realidadi na no vida, i pirsis tambi no muda di atitudi ku komportamentu.

Mudança ta kumsa ku leitura i fiansa na kusas ki el ita fala sobri si kabesa, i kusas kiita fala sobri nos. Es i alguns ezemplus ki Jesus ta fala sobri si kabesa, contrario di keki ta fala sobri nos.

1. Jesus totalmenti bom. Anos no intchi di mal.
2. Jesus amanu. Anos no odial.
3. Jesus kudjinu. Anos no negal.
4. Jesus obidisi Deus diritu. Anos no rebela kontra regras di Deus.
5. Jesus sufri voluntariamenti pa si inimigus, djuntu ku nos. Anos no kasta dipostu pa sufri pa entis keridus.
6. Jesus seduba sirbidur mas garandi. Anos no ka misti sirbi, ma no misti sirbidu.
7. Jesus lantaba di mortu. Anos, no distinu i pa kai na koba, ma esperansa tem pabia Jesus partinu si vida.

Jesus i Deus, ma tambi i omi di bardadi. I omi mas garandi ki nunka vivi, i kudji amanu i na persigi no amor inkuantu anos no sedu ba si inimigus.

Ningin ka pudi mudadu pa Jesus sin tchiga pertu del ku umildadi. Jesus ika um futiseiro. El i um pesoa ki sibi tudu pensamentu nano kabesa.

Biblia fala kuma Deus ta kontra orgulhosu, ma ita da grasa pa umildadis. Si no tchiga pertu di Jesus so pa uzal pano konsigui kusa ku no misti, el ika na ricibinu nunka. Si no ka dissa no maldadi i kumsa odial, i kudji si bondadi, no kana kunsil ou beneficia di si promesas nunka.

Es atitudi de aripindimentu di mal, djuntadu ku diseju forti pa bondadi di Jesus i fiansa firmi na si promesas- ta torna kusa normal pa nos. Ora ku no lei kusas kita fala na Bibilia, dipus no ora i pidi si vontade, no atitudis ta muda di orgulhosu pa umildi. Nota kunsa bida suma el.

Jesus ta odja no korson. No pirsiza di kirsi pa odia maldadi, disdja si bondadi e trocal. Ora kuno pidi purdon el ita purda.

Ora kuno tchiga pertu di el ku umildadi di bardadi, ita bai kontranu na no defeitu ita kumsa filanta no korson. I ora ku no odja no kabesa ku onestidade, vivi no vida ku bardadi, no kudji deus pa amanu i fasi no kirsi na si bondadi ku Deus ta danu vida, alegria ku amor.

I ka bunitu me, es manera di mitinu na prosesu?

Sibu sinti borgoña dibu maldadi, bom! Kuri pa el, djuelha ku umildadi i gardisil pa mostrau bardadi sobri bu kabesa. Kila i proba kuma Jesus ta ntindiu ku amor.

Disa bu maldadi, e bim pa Jesus. Ntera bu cabesa na Biblia. Nburgudja na orason. Medita sobre kinki Jesus, I kusas kita pirmiti pa fasi dentru di bo i pabo. Submiti parel pabu pudi contental i vivi na amizadi pertu kuel. Lembra kuma si amor i promessas i kusa kuta dau puder i autoridade pa vivi un vida puru.

Kila i um prucessu constanti, di tudu dia. Ora kubu falia, kabu dixa kulpa o um sentimentudidi disisperu pegau. Momentu kubu falia, i momentu kubu mas pirsisa di vira pa Deus. Pensa kuma bu mal i mas forti ki Deus i ta fasi garas i tambi i orgulhosu. Jesus amau odja buna vivi contra el. Klaru kuma ina purdau, gossi ku abo i si fidju! I mas forti kibu mal, i amau mas di kubu gosta dibu kabesa. Fia na el bu kana pirdi esperansa.