पाठ 4

जेव्हा आपण येशूने मरणाद्वारे जे साध्य केले त्याबद्दल बोललो, तेव्हा आपण पाहिले की त्याच्या स्वतःबद्दलच्या दाव्यांवर भरवसा ठेवल्याने आपल्याला त्याच्या अभिवचनांमध्ये प्रवेश मिळतो, परंतु त्याची अभिवचने आपल्या जीवनात वास्तविक बनण्यासाठी, आपल्याला वृत्ती आणि वागणूक देखील बदलण्याची आवश्यकता आहे.

तो स्वतःबद्दल काय सांगतो, आणि तो आपल्याबद्दल काय सांगतो ते वाचून आणि त्यावर भरवसा ठेवल्याने बदलाची सुरुवात होते. येशू आपल्याबद्दल जे सांगतो त्याच्या उलट स्वतःबद्दल काय सांगतो याची काही उदाहरणे येथे आहेत.

1. येशू पूर्णपणे चांगला आहे.[3] आपण वाईटाने भरलेले आहोत.
2. येशूने आपल्यावर प्रीती केली. आपण त्याचा द्वेष केला.
3. येशूने आपल्याला निवडले. आपण त्याला नाकारले.
4. येशूने देवाच्या आज्ञांचे पूर्ण पालन केले. आपण देवाच्या नियमांविरुद्ध बंड केले.
5. येशूने त्याच्या शत्रूंसाठी स्वेच्छेने दु:ख सहन केले, ज्यात आपला देखील समावेश आहे. आपण आपल्या प्रियजनांसाठी देखील दुःख सहन करण्यास तयार नाही.
6. येशू हा सर्वात मोठा सेवक होता. आपण सेवा करू इच्छित नाही तर सेवा करून घेऊ इच्छितो.
7. येशू मेलेल्यांतून उठला. आपण शेवटी कबरेत जाणार आहोत, तरीही आशा आहे कारण येशू आपल्याला त्याचे जीवन देतो.

येशू हा देव आहे, तरीही पूर्ण मानव देखील आहे. तो आतापर्यंतचा सर्वात महान पुरुष आहे, आणि त्याने आपल्यावर प्रीती करणे आणि आपण त्याचे शत्रू असताना आपल्या प्रीतीचा पाठपुरावा करणे निवडले.

कोणीही बदलू शकत नाही जोपर्यंत तो येशूकडे नम्रतेने जात नाही. येशू हा काही मंत्र-तंत्र नाही. तो असा व्यक्ती आहे जो आपल्या मनातील प्रत्येक विचार जाणतो.

बायबल सांगते की देव गर्विष्ठांना विरोध करतो, आणि लीनांवर कृपा करतो. जर आपण येशूचा उपयोग करून आपल्याला पाहिजे ते मिळवण्यासाठी त्याच्याकडे जातो, तर तो कधीही आपले स्वागत करणार नाही. जोपर्यंत आपण आपल्या वाईटापासून वळत नाही आणि त्याचा तिरस्कार करत नाही, आणि त्याऐवजी त्याचे चांगले निवडत नाही, तोपर्यंत आपण त्याला किंवा त्याच्या अभिवचनांचा फायदा कधीही जाणून घेऊ शकणार नाही.

वाईटाबद्दल पश्चात्ताप करण्याची ही वृत्ती, येशूच्या चांगुलपणाची उत्कट इच्छा-आणि त्याच्या अभिवचनांवर दृढ भरवसा — मिळून आपले नवीन राहणीमान बनते. जेव्हा आपण बायबलमध्ये तो काय सांगतो ते वाचतो, नंतर प्रार्थना करतो आणि त्याची इच्छा जाणून घेतो, तेव्हा आपली वृत्ती गर्विष्ठपासून दीन मध्ये बदलून जाते. आपण त्याच्यासारखे होऊ लागतो.

येशू आपली अंतःकरणे पाहतो. आपण वाढून वाईटाचा द्वेष करण्याची आणि त्या जागी त्याच्या चांगुलपणाची इच्छा बाळगण्याची गरज आहे. मग, जेव्हा आपण येशूला आपल्याला क्षमा करण्यास सांगू, तेव्हा तो तसे करेल.

जेव्हा आपण खऱ्या दीनतेने त्याच्याकडे जातो, तेव्हा तो आपल्या तुटलेल्या अवस्थेत आपल्याला भेटतो आणि आपली अंतःकरणे नीट करू लागतो. जेव्हा आपण स्वतःला प्रामाणिकपणे पाहतो, आणि देवाने आपल्यावर प्रीती करण्यासाठी आणि त्याच्या चांगुलपणामध्ये वाढवण्यासाठी निवडलेल्या सत्याशी सहमत होऊन आपले जीवन जगतो, तेव्हा देव आपल्याला जीवन, आनंद आणि प्रीती प्रदान करतो.

तो आपल्याला प्रक्रियेत कसे सामील करतो हे सुंदर नाही का?

जर तुमच्या वाईटाची तुम्हाला लाज वाटत असेल, तर हे चांगले आहे! त्याच्याकडे धाव घ्या. दीनतेने गुडघे टेकून तुम्हाला तुमच्याबद्दलचे सत्य दाखविल्याबद्दल त्याचे आभार माना. येशू प्रितीने तुमचा पाठपुरावा करत असल्याचा हा पुरावा आहे.

तुमच्या वाईटापासून मागे फिरा, आणि त्याऐवजी येशूकडे वळा. बायबलमध्ये स्वतःला गढून टाका. प्रार्थनेत मग्न व्हा.[27] येशू कोण आहे यावर, आणि तो तुमच्यामध्ये व तुमच्याद्वारे काय करण्याचे अभिवचन देतो यावर मनन करा. त्याच्या स्वाधीन व्हा जेणेकरून तुम्ही त्याला संतुष्ट करू शकाल आणि त्याच्याशी घनिष्ठ मैत्रीमध्ये जगू शकाल. लक्षात ठेवा की त्याची प्रीती आणि अभिवचने तुम्हाला शुद्ध जीवन जगण्याचे सामर्थ्य आणि अधिकार देतात.

ही एक सतत, दैनंदिन प्रक्रिया आहे. जेव्हा तुम्ही अपयशी ठरता, तेव्हा अपराधीपणाच्या किंवा निराशेच्या भावनेत अडकू नका. ज्या क्षणी तुम्ही अयशस्वी व्हाल त्या क्षणी तुम्हाला सर्वात जास्त देवाकडे वळण्याची गरज आहे. देवापेक्षा तुमचे वाईट अधिक शक्तिशाली आहे ही कल्पना हास्यास्पद आणि गर्विष्ठ आहे. जेव्हा तुम्ही त्याच्या विरुद्ध जगलात तेव्हा येशूने तुमच्यावर प्रीती केली. अर्थात आता तो तुम्हाला क्षमा करेल कारण तुम्ही त्याची संतां आहात! तो तुमच्या वाईटापेक्षा बलवान आहे, आणि तुम्ही स्वतःला नापसंत करता त्यापेक्षा अधिक तो तुमच्यावर प्रीती करतो. त्यावर भरवसा ठेवा आणि तुमची आशा निष्फळ होणार नाही.