ಪಾಠ 9

ಪ್ರಾರ್ಥನೆಯೆಂದರೆ ದೇವರೊಂದಿಗೆ ಮಾತನಾಡುವುದು.

ಮತ್ತಾಯ 6: 9-13 ರಲ್ಲಿ "ಕರ್ತನ ಪ್ರಾರ್ಥನೆ" ಎಂದು ಕರೆಯಲ್ಪಡುವ ಒಂದು ಸರಳ ಉದಾಹರಣೆಯನ್ನು ಯೇಸು ನಿರೂಪಿಸಿದನು. ಹೇಗೆ ಪ್ರಾರ್ಥಿಸಬೇಕೆಂದು ಕೇಳಿದ ಸ್ನೇಹಿತನೊಬ್ಬನಿಗೆ ಈ ಪ್ರಾರ್ಥನೆಯು ಆತನ ಉತ್ತರವಾಗಿತ್ತು.

ಆದರೂ ಸ್ನೇಹಿತರೊಂದಿಗೆ ವಿವಿಧ ರೀತಿಯ ಸಂಭಾಷಣೆಗಳಿರುವಂತೆ ವಿವಿಧ ರೀತಿಯ ಪ್ರಾರ್ಥನೆಗಳೂ ಇವೆ. ನಾವು ಇತರರಿಗಾಗಿ ಪ್ರಾರ್ಥಿಸಬಹುದು. ನಾವು ನಮಗಾಗಿ ಪ್ರಾರ್ಥಿಸಬಹುದು. ನಾವು ರಕ್ಷಣೆ, ಆರೋಗ್ಯ, ಶಕ್ತಿ ಮತ್ತು ಬುದ್ಧಿವಂತಿಕೆಯನ್ನು ಕೇಳಬಹುದು. ಆತನ ಒಳ್ಳೆಯತನ, ಕರುಣೆ ಮತ್ತು ಕ್ಷಮೆಗಾಗಿ ನಾವು ದೇವರಿಗೆ ಧನ್ಯವಾದ ಹೇಳಬಹುದು. ನಾವು ಏನನ್ನು ಇಷ್ಟಪಡುತ್ತೇವೆ ಅದರ ಬಗ್ಗೆ ಆತನಿಗೆ ಹೇಳಬಹುದು. ಆತನು ನಮಗೆ ಕೊಟ್ಟಿರುವ ಎಲ್ಲದ್ದಕ್ಕಾಗಿ ನಾವು ಆತನಿಗೆ ಧನ್ಯವಾದ ಹೇಳಬಹುದು. ಅಥವಾ ನಮ್ಮ ಕಾಳಜಿ, ಭಯ, ಅನುಮಾನಗಳು ಮತ್ತು ಪ್ರಶ್ನೆಗಳನ್ನು ಆತನಲ್ಲಿ ಹೇಳಿಕೊಳ್ಳಬಹುದು.

ಇದೆಲ್ಲವೂ ಒಳ್ಳೆಯದೇ!

ನೀವು ಪ್ರಾಮಾಣಿಕವಾಗಿ ಪ್ರಾರ್ಥಿಸಬೇಕೆಂದು ದೇವರು ಬಯಸುತ್ತಾನೆ. ನಿಮ್ಮ ಆಲೋಚನೆಗಳು ಆತನಿಗೆ ತಿಳಿದಿವೆ. ನಿಮ್ಮ ಪೂರ್ಣ ಹೃದಯದಿಂದ ಪ್ರಾರ್ಥಿಸಿ. ನಮ್ರತೆ, ಕೃತಜ್ಞತೆ ಮತ್ತು ಆತ್ಮವಿಶ್ವಾಸದಿಂದ ಆತನನ್ನು ಸಮೀಪಿಸಿ.

ಕೈಗಳನ್ನು ಮೇಲಕ್ಕೆತ್ತಿ ಅಥವಾ ನಿಮ್ಮ ಮಡಿಲಲ್ಲಿ ಇಟ್ಟುಕೊಂಡು ಅಥವಾ ಮಡಚಿ ಪ್ರಾರ್ಥಿಸಿ. ನಿಮ್ಮ ಕಣ್ಣುಗಳನ್ನು ತೆರೆದು ಅಥವಾ ಮುಚ್ಚಿ ಪ್ರಾರ್ಥಿಸಿ. ನಡೆಯಿರಿ, ನಿಲ್ಲಿರಿ, ಕುಳಿತುಕೊಳ್ಳಿ, ನಮಸ್ಕರಿಸಿ ಅಥವಾ ಮಲಗಿರಿ. ಬೆಳಿಗ್ಗೆ ಅಥವಾ ಸಂಜೆ ಅಥವಾ ಮಧ್ಯಾಹ್ನ ಅಥವಾ ಇಡೀ ದಿನ ಪ್ರಾರ್ಥಿಸಿ.

ಆಳವಾಗಿ ಮಾತನಾಡಲು ಪ್ರಯತ್ನಿಸಬೇಡಿ. ದೇವರು ಅಲಂಕಾರಿಕ ಪದಗಳನ್ನು ಮೆಚ್ಚುವುದಿಲ್ಲ. ಆತನು ನಿಮಗಿಂತ ಹೆಚ್ಚು ತಿಳಿದಿದ್ದಾನೆ. ಪ್ರಾಮಾಣಿಕವಾಗಿರಿ. ಯಥಾರ್ಥತೆ ತೋರಿ ಮತ್ತು ದೇವರೊಂದಿಗೆ ಗೌರವದಿಂದ ಮಾತನಾಡಿ. ಆತನು ನಿಮ್ಮ ಪ್ರಾರ್ಥನೆಗಳನ್ನು ಕೇಳಲು ಬಯಸುತ್ತಾನೆ ಮತ್ತು ಆತನು ನಿಮ್ಮೊಂದಿಗೆ ಇರಲು ಇಷ್ಟಪಡುತ್ತಾನೆ ಎಂದು ನಂಬಿರಿ.

ನೀವಾಗೇ ಪ್ರಾರ್ಥಿಸಿ ಮತ್ತು ಇತರರೊಂದಿಗೆ ಪ್ರಾರ್ಥಿಸಿ. ಒಟ್ಟಿಗೆ ಪ್ರಾರ್ಥಿಸುವುದು ಮುಖ್ಯ! ಅದು ನಮ್ಮನ್ನು ಒಟ್ಟುಗೂಡಿಸುತ್ತದೆ ಮತ್ತು ದೇವರನ್ನು ಮೆಚ್ಚಿಸುತ್ತದೆ.

ನಿರ್ಭೀತರಾಗಿ ಜೋರಾಗಿ ಪ್ರಾರ್ಥಿಸುವ ಇತರ ಜನರಿಂದ ಭಯಪಡಬೇಡಿ. ಪ್ರಾರ್ಥನೆಯು ನಮ್ಮ ಬಗ್ಗೆ ಅಲ್ಲ. ಪ್ರಾರ್ಥನೆಯು ನಾವು ನಮ್ಮ ಹೃದಯದಲ್ಲಿರುವುದನ್ನು ಆತನಿಗೆ ವ್ಯಕ್ತಪಡಿಸುವಾಗ ದೇವರಿಗೆ ಹತ್ತಿರವಾಗುವುದರ ಬಗ್ಗೆ. ನಿಮ್ಮ ಪ್ರಾರ್ಥನೆಯ ವಿಧವನ್ನು ಯಾರಾದರೂ ಹೀಯಾಳಿಸಿದರೆ, ಅದು ನಿಮಗಿಂತ ಹೆಚ್ಚಾಗಿ ಅವರ ಬಗ್ಗೆ ಹೇಳುತ್ತದೆ. ಇದು ಅಹಂಕಾರವನ್ನು ತೋರಿಸುತ್ತದೆ ಮತ್ತು ಅಹಂಕಾರವು ದುಷ್ಟತನವಾಗಿದೆ.

ಪ್ರತಿಯೊಬ್ಬ ಕ್ರೈಸ್ತನು ಶ್ರದ್ಧೆಯಿಂದ ಪ್ರಾರ್ಥನೆ ಅಭ್ಯಾಸವನ್ನು ಬೆಳೆಸಿಕೊಳ್ಳಬೇಕು. ಇದರರ್ಥ ಪ್ರತಿದಿನ ಪ್ರಾರ್ಥಿಸಲು ಸಮಯವನ್ನು ನಿಗದಿಪಡಿಸುವುದು. ನೀವು ಹಾಗೆ ಮಾಡದಿದ್ದರೆ, ಪ್ರಾರ್ಥನೆಯು ನಿಮ್ಮ ಜೀವನದಿಂದ ಕಣ್ಮರೆಯಾಗುವ ಸಾಧ್ಯತೆ ಇದೆ. ನಿಮಗೆ ನಿಗದಿತ ಪ್ರಾರ್ಥನೆಯ ಅಭ್ಯಾಸ ಇರದಿದ್ದರೆ, ಹದಿನೈದು ನಿಮಿಷಗಳ ಪ್ರಾರ್ಥನೆಯೊಂದಿಗೆ ಪ್ರಾರಂಭಿಸುವುದನ್ನು ಪರಿಗಣಿಸಿ. ನಿಮ್ಮ ದಿನವನ್ನು ಪ್ರಾರಂಭಿಸುವ ಮೊದಲು, ಮುಂಜಾನೆಯೇ ಇದಕ್ಕಾಗಿ ನಿಮ್ಮ ಸಮಯವನ್ನು ನಿಗದಿಪಡಿಸಲು ಶಿಫಾರಸು ಮಾಡಲಾಗಿದೆ. ರಾತ್ರಿ ಸಮಯವನ್ನು ನಿಗದಿಪಡಿಸುವುದಕ್ಕಿಂತ ಇದು ಹೆಚ್ಚು ಸಹಾಯಕವಾಗಿರುತ್ತದೆ ಏಕೆಂದರೆ ರಾತ್ರಿ ನೀವು ದಣಿದಿರಬಹುದು, ಕಾರ್ಯನಿರತರಾಗಿರಬಹುದು ಅಥವಾ ವಿಚಲಿತರಾಗಿರಬಹುದು. ಪ್ರಾರ್ಥನೆಯು ನಿಮ್ಮ ದಿನವನ್ನು ಉತ್ತಮವಾಗಿ ಬದಲಾಯಿಸುತ್ತದೆ.

ನಿಮ್ಮ ಪ್ರಾರ್ಥನೆಯ ಸಮಯವನ್ನು ವಿವಿಧ ಭಾಗಗಳಾಗಿ ವಿಭಜಿಸಿ. ಏನನ್ನು ಪ್ರಾರ್ಥಿಸುವುದು ಎಂಬ ಕಷ್ಟ ಎದುರಾದಾಗ ನೋಡಲು ಪ್ರಾರ್ಥನೆಯ ಯೋಜನೆಯನ್ನು ಬರೆದಿಟ್ಟುಕೊಳ್ಳುವುದು ನಿಮಗೆ ಸಹಾಯಕವಾಗಬಹುದು.

ರಚನೆಯ ಒಂದು ಸಲಹೆ ಇಲ್ಲಿದೆ: ಮೊದಲು, ನೀವು ಮಾಡಿದ ಯಾವುದೇ ತಪ್ಪುಗಳನ್ನು ಒಪ್ಪಿಕೊಳ್ಳಿ ಮತ್ತು ಕ್ಷಮೆಗಾಗಿ ದೇವರನ್ನು ಕೇಳಿ. ನಂತರ ಆತನ ಒಳ್ಳೆಯತನ, ಕ್ಷಮೆ, ಸೌಮ್ಯತೆ ಮತ್ತು ಪ್ರೀತಿಗಾಗಿ ಧನ್ಯವಾದ ಹೇಳುತ್ತಾ ಕೆಲವು ನಿಮಿಷಗಳನ್ನು ಕಳೆಯಿರಿ. ನಂತರ ಆತನ ನಿಷ್ಠೆ ಮತ್ತು ಶಕ್ತಿಗಾಗಿ ಆತನನ್ನು ಹೊಗಳಲು ಕೆಲವು ನಿಮಿಷಗಳನ್ನು ತೆಗೆದುಕೊಳ್ಳಿ. ನಿಮ್ಮ ಕುಟುಂಬ ಮತ್ತು ಸ್ನೇಹಿತರಿಗಾಗಿ ಪ್ರಾರ್ಥಿಸಿ. ಸ್ವಲ್ಪ ಸಮಯ ಮೌನವಾಗಿರಿ, ದೇವರು ನಿಮ್ಮೊಂದಿಗೆ ಮಾತನಾಡಲು ಕಾಯಿರಿ. ನಂತರ ನಿಮ್ಮ ದಿನಕ್ಕಾಗಿ ನಿಮ್ಮನ್ನು ಬಲಪಡಿಸಲು ದೇವರನ್ನು ಪ್ರಾರ್ಥಿಸುತ್ತಾ ಉಳಿದ ಸಮಯವನ್ನು ಕಳೆಯಿರಿ.

ನೀವು ಬೈಬಲ್ ಅನ್ನು ಸಹ ಪ್ರಾರ್ಥನೆ ಮಾರ್ಗದರ್ಶಿಯಾಗಿ ಬಳಸಬಹುದು. ಉದಾಹರಣೆಗೆ, ಬೈಬಲನ್ನು ಓದಿ, ನಂತರ ನೀವು ಓದಿದ ವಿಷಯಗಳ ಕುರಿತು ದೇವರೊಂದಿಗೆ ಮಾತನಾಡಿ ಮತ್ತು ನಿಮಗೆ ಅರ್ಥವಾಗದ್ದನ್ನು ತಿಳಿಯುವಲ್ಲಿ ಸಹಾಯ ಮಾಡಲು ಆತನನ್ನು ಕೇಳಿ.

ಒಳ್ಳೆಯ ಅಭ್ಯಾಸಗಳು ಬೆಳೆಯಲು ಸಮಯ ಬೇಕು. ತಾಳ್ಮೆಯಿಂದ ಕೆಲಸ ಮಾಡಿರಿ. ನಿಮ್ಮೊಂದಿಗೆ ತಾಳ್ಮೆಯಿಂದಿರಿ. ಸೋಮಾರಿತನ ತೋರಬೇಡಿ, ಅಷ್ಟೇ.

ಪ್ರತಿದಿನ ಪ್ರಾರ್ಥನೆಯಲ್ಲಿ ಹದಿನೈದು ನಿಮಿಷಗಳನ್ನು ಶ್ರದ್ಧೆಯಿಂದ ಕಳೆಯಲು ಆರಂಭಿಸಿದ ನಂತರ, ಅನೇಕ ಜನರು ಪ್ರಾರ್ಥನೆಯ ಸಮಯವನ್ನು ಹೆಚ್ಚಿಸಲು ಬಯಸುತ್ತಾರೆ. ಅದ್ಭುತ! ಸಮಯವನ್ನು ವಿಭಿನ್ನ ಕೇಂದ್ರಗಳ ಆಧಾರದ ಮೇಲೆ ವಿಭಜಿಸುವುದು ಸಹಾಯಕವಾಗಿರುತ್ತದೆ ಎಂದು ನಾವು ಕಂಡುಕೊಂಡಿದ್ದೇವೆ. ಇದು ಅತಿಯಾಗದಂತೆ ಅಥವಾ ನಮ್ಮನ್ನು ನಿರಾಶೆಗೊಳ್ಳದಂತೆ ತಡೆಯುತ್ತದೆ.

ಪ್ರಾರ್ಥನೆಯು ಉದ್ದೇಶಪೂರ್ವಕವಾಗಿರಬೇಕು. ಪ್ರೀತಿಯಂತೆಯೇ, ಇದೂ ಸಹ ನಿಜವಾಗಲು ಸಕ್ರಿಯವಾಗಿರಬೇಕು.

ನಿಮಗೆ ಆಶ್ಚರ್ಯವಾಗಬಹುದು, ಪ್ರಯತ್ನಿಸಿ ನೋಡಿದರೆ, ಒಂದು ಗಂಟೆಯ ಪ್ರಾರ್ಥನೆ ಸಾಧ್ಯ ಮಾತ್ರವಲ್ಲ, ಆನಂದದಾಯಕವೂ ಆಗಿರುತ್ತದೆ! ಏಕೆಂದರೆ ನಮಗೆ ಪ್ರಾರ್ಥನೆ ಬೇಕು. ನಾವು ಎಲ್ಲಕ್ಕಿಂತ ಹೆಚ್ಚಾಗಿ ದೇವರೊಂದಿಗೆ ನಿಕಟ ಸಂಬಂಧಕ್ಕಾಗಿ ಹಾತೊರೆಯುತ್ತೇವೆ. ಮತ್ತು ಆ ನಿಕಟ ಸಂಬಂಧವು ನಮ್ಮನ್ನು ಬದಲಾಯಿಸುತ್ತದೆ.

ದೇವರು ನಮ್ಮನ್ನು ಪ್ರಾರ್ಥನೆಗೆ ಕರೆಯುತ್ತಾನೆ. ನಾವು ಆತನೊಂದಿಗೆ ಮಾತನಾಡಬೇಕೆಂದು ಆತನು ಹಂಬಲಿಸುತ್ತಾನೆ. ದೇವರೊಂದಿಗೆ ಮಾತನಾಡುವುದು ನಮ್ಮ ಆತ್ಮಗಳಿಗೆ ಬೇರೇನೂ ನೀಡದ ತೃಪ್ತಿಯನ್ನು ನೀಡುತ್ತದೆ. ಪ್ರಾರ್ಥನೆಯನ್ನು ನಿರ್ಲಕ್ಷಿಸಿದಾಗ, ನಾವು ನಮ್ಮನ್ನು ಮತ್ತು ನಾವು ಪ್ರೀತಿಸುವ ಜನರನ್ನು ನಿರ್ಲಕ್ಷಿಸುತ್ತೇವೆ. ದೇವರೊಂದಿಗೆ ಸಮಯವನ್ನು ಕಳೆಯೋಣ, ಪ್ರತಿದಿನ ನಮ್ಮನ್ನು ಬಲಪಡಿಸಲು ಮತ್ತು ಪ್ರೋತ್ಸಾಹಿಸಲು ಆತನಿಗೆ ಅವಕಾಶ ನೀಡೋಣ!

ಆತನು ತನ್ನ ಉಪಸ್ಥಿತಿಯಿಂದ ನಮ್ಮನ್ನು ತೃಪ್ತಿಪಡಿಸಲು, ನಮಗೆ ಸಂತೋಷ ನೀಡಲು ಇಷ್ಟಪಡುತ್ತಾನೆ. ನೀವು ಆತನನ್ನು ತಿಳಿದುಕೊಂಡು ಆನಂದಿಸಲಿ ಎಂಬ ಕಾರಣಕ್ಕೆ.ಆತನು ನಿಮ್ಮೊಂದಿಗೆ ಇರಲು ಬಯಸುತ್ತಾನೆ.

ನಿಮ್ಮ ದಿನದಲ್ಲಿ ದೇವರಿಗಾಗಿ ಸಮಯವನ್ನು ನಿಗದಿಪಡಿಸಿ, ಇಲ್ಲದಿದ್ದರೆ ನಿಮ್ಮ ದಿನವು ನಿರತವಾಗುತ್ತದೆ ಮತ್ತು ಆತನನ್ನು ಹೊರದಬ್ಬುತ್ತದೆ. ನೀವು ಪ್ರಾರ್ಥನೆಯನ್ನು ನಿರ್ಲಕ್ಷಿಸಿದರೆ, ನಿರುತ್ಸಾಹ, ಏಕಾಂಗಿತನ ಮತ್ತು ದುಷ್ಟತನದ ಬಲೆಗೆ ಬೀಳುತ್ತೀರಿ. ಆದರೆ ನೀವು ವಿಶ್ವಾಸದೊಂದಿಗೆ ಶ್ರದ್ಧೆಯಿಂದ ಪ್ರಾರ್ಥಿಸಿದರೆ, ನೀವು ಊಹಿಸಿಕೊಳ್ಳುವುದಕ್ಕಿಂತ ಹೆಚ್ಚಾಗಿ ದೇವರು ನಿಮಗೆ ಪ್ರತಿಫಲವನ್ನು ನೀಡುತ್ತಾನೆ.

ದೇವರು ನಿಮಗಾಗಿ ಪ್ರಾರ್ಥಿಸುತ್ತಾನೆ ಎಂದು ನಿಮಗೆ ತಿಳಿದಿದೆಯೇ?