Lison 8

Bíblia ta tchomadu Palabra di Deus pabia i manera di Deus splika kin ki el, kin ki anos i, di nunde ki no bin, i pabia di ke ki pui no izisti. I kumplicadu. Si no abri no Bíblia na un lugar kualker i kumsa lei, no ta fica kunfundidu. Kila i pabia Bíblia na verdadi i 66 livrus diferenti ki skirbidu pa autores diferenti duranti un períodu di serka di 2.000 anu.

Livrus di Bíblia inspiradu pa Deus. Ainda propi, Deus konfirma kuma kontiúdu di livrus i bardadi, i i bin di el. Manga di livrus era pa grupus di djintis spesífiku. Primeru igreja djunta i ruma es livrus na un só volumi ki no ta tchoma Bíblia gos. Djuntadu, e ta mostra kuma ki Deus intiragi ku omi duranti stória.

Librus di Bíblia sta skritu na diferentis tipu di stilu. Libru di Salmus, por izemplu, i un libru di kantiga ku orason. I sta intchidu di metáforas ki ka sempri pa toma literalmenti. Ivanjelhu di Jon, pur otru ladu, i un obra stóriku basiadu na vida di Jesus.

Epístolas, suma Gálatas ku Efésius, i kartas ki líderes di igreja di primeru tempu skirbi pa grupus di djintis spesífiku.

I ten librus di profesia, suma Isaías i libru di Apokalipsi - un profesia kumpridu i kompleksu ki foi skritu pa igreja Kriston di kumsada.

I ten mas utru, ma bu tene dja ideia.

Tambe, Biblias ista dividido pa dus testamentu. Testamentu Bedju ki fasidu ku librus ki skribidu antis di Jesus padidu i Testamentu Nobu ki fasidu ku librus ki skribidu dipus di Jesus padidu.

I primeru sinku librus di Biblia (Pentateuco) skribidu pa israelitas pa splika kuma ki mundu kumsa, promesas ki Deus fasi pa elis, i kuma ki forma elis suma un nason.

I ten diferentis acordus entri Deus ku djintis na Bíblia. Kila ta tchomadu aliansas. Aos no ta vivi bas di aliansa di Jesus. Kila signifika kuma no ka obrigadu pa sigui leis di serimónia ki sta na livrus suma Levítiku o Deuteronómiu, ki staba bas di un di aliansas antigu di Deus ku povu judeu. Leis di serimónia ta funcionaba suma símbolus ki ta referiba Jesus, pa kila, leis di serimónia kompletadu ku si vida ku si mortu.

Si bu kabesa na da volta, para un bokadinhu i rispira. Dipus bu pudi anima bu kabesa pabia bu ka pirsisa di intindi tudu kusa djanan!

Biblia i ka algun kusa ki bu ten ki lei, suma un diver. I algun kusa ki bu tene direito di lei. I pa i sedu un alegria - lidu, studadu, i vividu duranti vida interu. I un tesoru ki na transforma bu menti ku bu korson.

Alguns parti di Biblia i mas fasil pa ntindi ki otrus. No ta considja bu kumsa pa lei livru di Genesis (primeru livru na Biblia), i pelu menus un di kuatru Ivanjelhu (Mateus, Markus, Lukas, o Djon).

Di la, i pudi fasi sintidu pa bai pa Êxodu, djuntu ku Livru di Atus, ku Kartas na Novu Testamentu.

Romans ku Ebreus i dus libru ki difisil lei, ma i ta djuda na intindi diferensa entri nobu aliansa di Jesus ku aliansas antigu na Antigu Testamentu.

I ten manga di storia interesanti na Bíblia. I ten tambe partis di linhajens ditalhadu ku leis komplicadu pa judeus. Ma bu pudi sta sertu kuma kada parti di Bíblia tene un bon propósitu i i merese studadu pabia Bíblia ta djudanu ntindi kin ki anos i, kin ki El, i kuma ki no dibidi vivi. I ta proteji-nu di mal. Kila ki manda no dibidi tene kuidadu ku kualker kusa ki ta tudji nu lei Bíblia sempri. Telemóvel, djogus di vídeo, i utrus.

Si bu ka tene Bíblia, bu dibi kumpral.

I ten planus pa lei Bíblia interu na un anu, i kila i bali pena asin pabia i ta fasi bu lei padas pikininu tudu dia.

Si bu misti lei tchiu, avança. Ma i midjor pa bu konsentra na aprendi saburia Palavra di Deus. I un fonti konstanti di inkorajamentu i giresa, i bu kapasidadi di vivi vida Kriston sta ligadu diretamenti ku forma ki bu ta entra na Bíblia ku bu korson ku bu kabesa.

Pidi Deus pa djudau intindi Biblia. Pidil pa djudau kumpri si mandamentus na bu vida di tudu dia. Ka bu dixa di leil ku obil. Ka bu dixa bu diskisil. Bu pudi ate pensa kuma abo ika un leitor, ma Biblia na bai torna bu ben mas stimadu pabia i palabras di Deus pa bo.